اسلام آباد(نیوز ڈیسک)معروف اداکارہ و ماڈل ریچل خان کے بیوٹی پارلر کا افتتاح،حمیرا ارشد،احمد بٹ،عینی طاہرہ سمیت دیگر فنکاروں اور شوبز سے وابستہ افراد کی شرکت،تفصیلات کے مطابق ریچل خان کے بیوٹی پارلر کا افتتاح گذشتہ روز لبرٹی مارکیٹ میں کیا گیا اس افتتاحی تقریب میں گلوکارہ حمیرا ارشد،احمد بٹ،عینی طاہرہ،جرار رضوی،ڈولی،ڈاکٹر اعجاز وارث ،لیلیٰ،اسلم پھلروان،طارق طافو،سجیل خان،ملک آصف شہزاد،فیصل بٹ سمیت دیگر شوبز شخصیات اور میڈیا سے وابستہ افراد نے شرکت کی اس موقع پر کینسر کی مریضہ بچی زہر ہ شفیق کے ہاتھوں افتتاحی فیتہ کاٹا گیا افتتاح پر ڈاکٹر اعجاز وارث،حمیرہ ارشد اور عینی طاہرہ نے ریچل خان کو مبارکباد دی۔ریچل خان نے افتتاحی تقریب سے خطاب کرتے ہوئے کہاکہ اس بیوٹی پارلر پر غریب اور نادار لڑکیوں کو مفت تربیت دی جائے گی تاکہ وہ اس ہنر کو سیکھ کر اپنا ذاتی کاروبار کرسکیں اس بیوٹی پارلر پر جدیدترین مشینری کے زریعے میک اپ،فیشل اور سلمنگ کی سہولیات مناسب معاوضہ پر مہیا کی جائیں گی اس موقع پر ریچل خان نے اپنی سالانہ آمدنی کا پانچ فیصد شوکت خانم کینسر ہسپتال کو دینے کا اعلان بھی کیا جسے کافی سراہا گیا۔