ممبئی(نیوز ڈیسک) بالی وڈ کی خوبرو اداکارہ عائشہ ٹاکیہ شادی کے بعد پھر سے فلم نگری میں واپس آنے کیلئے پرتول رہی ہیں۔ فطری معصومیت سے بھرپور اداکاری کے باعث عائشہ ٹاکیہ کو فلم بینوں نے اداکار سلمان خان کی فلم وانٹڈ میں بہت پسند کیا تھا اوران کی جوڑی کو خوب سراہا گیا تھا۔ فلمی حلقوں کا خیال تھا کہ شادی کے بعد عائشہ ٹاکیہ فلمی دنیا سے کنارہ کشی کرلیں گی لیکن خبریہ ہے کہ وہ ہدایتکار رنویجے سنگھ کی فلم موڈ کےساتھ پھرسے بالی وڈ پرستاروں کے دلوں پر راج کرنے آرہی ہیں۔ یہ فلم تائیوان میں بننے والی فلم کیپ واچنگ کا ری میک ہے اورفلم ساز نے فلم کے خصوصی حقوق حاصل کرلئے ہیں۔