لاس اینجلس(نیوز ڈیسک)ہالی وڈ گلوکارہ ٹیلر سوئفٹ جو گزشتہ کچھ عرصے سے کیلون کے ساتھ دیکھی جارہی تھیں، ان کے عشق میں گرفتار ہونے کا باقاعدہ اعتراف کرچکی ہیں اور اب دیکھنا یہ ہے کہ کیلون ان کے گانوں کا موضوع کب بنتے ہیں؟۔ دراصل ٹیلر سوئفٹ اپنے سابق محبوبوں کو اپنے گانوں میں شامل کرنے کے حوالے سے معروف ہیں اور وہ خود بھی اس بارے میں کہتی ہیں کہ ان کی رومانوی زندگی ان کے کیریئر کو بے حدمتاثر کرتی ہے اور انہوں نے بے حد گانے اپنے جذبات کی ترجمانی کرتے ہوئے تحریر کئے ہیں۔ ٹیلر سوئفٹ کی زندگی میں سب سے قبل جو جوناس آئے تھے جن کے ہمراہ انہوں نے2008 میں دوستی کی تھی۔ کہا جاتا ہے کہ فیئرلیس کے تمام گانوں میں دراصل وہ جو سے معاشقہ ختم ہونے کے بعد ان سے ہی مخاطب تھیں۔ اگلے برس جون میئر ان کی زندگی میں آئے اور پھر ٹیلر کا گانا ڈیئر جان منظر عام پر آیا۔ اسی برس ٹیلر لاٹنر بھی ان کی زندگی میں آئے اور دونوں نے فلم ویلنٹائنز ڈے میں ایکساتھ کام بھی کیا ۔ ان کے گانے بیک ٹو دسمبر میں وہ ٹیلر کے حوالے سے ہی اپنے جذبات کا اظہار کرتی رہی ہیں ۔ ان کی زندگی میں آنے والے جیک گلنہان ان کے گانے دی لاسٹ ٹائم کا باعث بنے۔ پھر گلوکارہ کونور کینیڈی کے ساتھ دیکھی گئیں اور پھر انہوں نے گانا بیگن اگین لکھ ڈالا۔ ہیری سٹائلز جو ٹیلر کی زندگی میں صرف اڑھائی ماہ رہے، وہ بھی ٹیلر کو اس قدر متاثر کرنے میں کامیاب رہے تھے کہ ٹیلر نے ایک گانا آئی نیو یو ور ٹربل لکھ لیا۔ اب دیکھنا یہ ہے کہ کیلون کب ان کی شاعری پر چھاتے ہیں۔