ممبئی(نیوز ڈیسک)بالی وڈ میں متنازعہ شہرت کی حامل اداکارہ سنی لیون کا دعوی ہے کہ ان کی نئی فلم ایک پہیلی لیلا ایک نئی سنی لیون کو متعارف کروائے گی۔ سنی کے اس دعوے میں کس قدر حقیقت ہے، یہ تو فلم ریلیز ہونے پر ہی معلوم ہوگا تاہم فی الوقت کی خبر یہ ہے کہ اسی فلم میں سنی لیون کی موجودگی کے سبب فلم پروڈیوسر اور ڈائریکٹرز کو اداکاروں کا چنا کرنے میں بے حد مشکل پیش آئی ۔ میوزیکل تھرلر میں سنی لیون ایک شہزادی کا کردار کر رہی ہیں۔ اس کیلئے پہلے دپیکا پڈوکون کو سائن کیا گیا تھا تاہم بعد ازاں سنی لیون کو یہ کردار دے دیا گیا، اس بارے میں فلم کے ڈائریکٹر بوبی خان کہتے ہیں کہ انہوں نے تمام بڑے اداکاروں سے بات کی تاہم سنی کا نام سنتے ہی سب بدک جاتے تھے ۔ یہ صورتحال بے حد پریشان کن تھی، خود سنی بھی بے حد مایوس تھی حتی کہ سنی کے شہر ڈینیئل ویبر نے ایک دن تنگ آکے بوبی سے کہا کہ وہ جب آئندہ کسی اداکار کو اس فلم میں کردار کیلئے پیشکش کرنے کے لئے جائیں تو انہیں لے کے جائیں، وہ خود ان سے درخواست کریں گے کہ ان کی بیوی ایک پروفیشنل اداکارہ ہے اور کچھ نہیں اس لئے وہ اس کے ساتھ کام کرلیں۔ واضح رہے کہ اس فلم میں بھی سنی ایک بیباک کردار میں دکھائی دے رہی ہیں تاہم ان کا دعوی ہے کہ اس فلم میں ایکٹنگ کا مارجن بے حد ہے اور اس میں اداکاری سے وہ بالی وڈ میں بطور اداکارہ بھی اپنی پہچان بنا لیں گی۔