اسلام آباد(نیوزڈیسک)فیس بک موبائل ڈیوائسز پر ملٹی پل نیوز فیڈ ٹسٹ کر رہا ہے۔ اس نئے فیچر کے تحت صارفین مختلف دلچسپیوں جیسے کھیل، صحت، شوبز وغیرہ کے لحاظ سے نیوز فیڈز دیکھ سکیں گے۔یہ نیوز فیڈز اوپر سرچ بار کے نیچے یا سائیڈ میں فیورٹس کے نیچے ظاہر ہونگی۔ صارفین کسی ایک موضوع کا انتخاب کر کے اپنے دوستوں اور پیجیز کی اس موضوع پر کی گئی تمام پوسٹس دیکھ سکیں گے۔فیس بک کے مطابق ابھی یہ فیچر بالکل تجرباتی مراحل میں ہے، اس لیے نہیں کہا جاسکتا کہ اسے تمام صارفین کے لیے کب متعارف کرایا جائے گا۔