کراچی(این این آئی) حکومت سندھ نے سرکاری اسکولوں میں اساتذہ کی کمی پوری کرنے کے لیے بھرتیاں کرنے کا فیصلہ کیا ہے۔ صوبائی حکومت کی ہدایت پر محکمہ تعلیم نے اساتذہ کی بھرتیوں کا نوٹی فکیشن بھی جاری کردیا ہے۔اس ضمن میں ذمہ دار

ذرائع نے بتایاکہ صوبہ سندھ کے سرکاری اسکولوں کے لیے 30 ہزار اساتذہ بھرتی کیے جائیں گے۔پہلے مرحلے میں پرائمری اورجونیئرایلیمنٹری اسکولوں کے اساتذہ کی بھرتیاں کی جائیں گی۔اساتذہ کی بھرتیوں کے حوالے سے ذرائع نے بتایا ہے کہ تمام امیدواران کے تحریری ٹیسٹ لیے جائیں گے۔محکمہ تعلیم کے ذرائع نے بتایا کہ اساتذہ کی بھرتیوں میں خواتین، اقلیت اور خصوصی کوٹے کا بھی خیال رکھا جائے گا اور اس ضمن میں موجود قوانین پر عمل درآمد یقینی بنایا جائے گا۔چیئرمین پی پی بلاول بھٹو زرداری نے گزشتہ دنوں وزیراعلی سندھ سید مراد علی شاہ سے ملاقات کے دوران ہدایت کی تھی کہ خالی آسامیوں پر بھرتیوں کا سلسلہ شروع کیا جائے۔

موضوعات:بھرتیوں کا فیصلہ