لاہور(این این آئی) صوبائی وزیر کالونیز وجیل خانہ جات فیاض الحسن چوہان نے کہا ہے کہ دو دن سے پی ڈی ایم قیادت اسمبلیوں سے استعفوں پر شش و پنج کا شکار ہے، نواز شریف، بیگم صفدر اعوان اور مولانا فضل الرحمان کو استعفوں کی جلدی اور پیپلز پارٹی، ش لیگ اور دیگر

پارٹیاں ہچکچا رہی ہیں۔فیاض الحسن چوہان نے اپنے ایک بیان میں کہا کہ گزشتہ دو روز سے پی ڈی ایم قیادت اسمبلیوں سے استعفوں پر شش و پنج کا شکار ہے۔ نواز شریف، بیگم صفدر اعوان اور مولانا فضل الرحمان کو استعفوں کی جلدی ہے جبکہ پیپلز پارٹی،ش لیگ اور دیگر پارٹیاں ہچکچا رہی ہیں۔ سب جانتے ہیں کہ استعفے دینے سے مولانا فضل الرحمان، نواز شریف اور بیگم صفدر اعوان کا کچھ نہیں جاتا۔ بلاول زرداری کے پلان بی اور سی کے حوالے سے سوال پر بھی پی ڈی ایم قیادت لاجواب نظر آتی ہے۔ انہوں نے کہا کہ پی ڈی ایم قیادت صرف اپنی کرپشن بچانے کیلئے ملک میں انارکی پھیلانا چاہتی ہے۔ ریلوکٹے اور پھٹیچر اراکین کے استعفے صرف سوشل میڈیا پر آ رہے ہیں، اسپیکر کی میز پر نہیں۔ استعفوں کے معاملے پر منتشر پی ڈی ایم عوام کو بے وقوف بنانے کا ڈرامہ بند کرے۔وزیر کالونیز جیل خانہ جات نے کہاکہ وزیراعظم عمران خان ہمارے کپتان ہیں اور ان کی ٹیم پاکستان ہے۔ وہ جانتے ہیں ملک کو موجودہ بحران اور مشکل حالات سے کیسے نکالنا ہے۔ پی ڈی ایم کی سازشیں وزیراعظم عمران خان کی منصوبہ بندی کو ناکام نہیں بنا سکتیں۔

موضوعات:فیاض الحسن چوہان