لاہور(مانیٹرنگ + این این آئی) ایڈن ویلی کے پریذیڈنٹ اور خواتین کا سرعام گھریلو ملازمہ پر بے رحمانہ تشدد،سماجی رابطے کی ویب سائٹ ٹوئٹر پر ویڈیو وائرل ہو گئی، رانا منیر احمد کے گھر کی خواتین اور بچے ملازمہ کو بالوں سے پکڑ کر گھسیٹتے کے ساتھ ساتھ
دھکے بھی دیتے رہے، نجی ٹی وی چینل کی رپورٹ اور سوشل میڈیا پر وائرل ویڈیو پر وزیر اعلیٰ پنجاب سردار عثمان بزدارنے فیصل آباد میں گھریلو ملازمہ پر تشدد کے واقعہ کا نوٹس لیتے ہوئے آرپی اوفیصل آباد سے رپورٹ طلب کر لی ہے اورتشدد کرنے والوں کے خلاف قانون کے تحت کارروائی کا حکم دیا ہے۔ وزیر اعلی عثمان بزدار نے کہا کہ معصوم بچی پر تشدد کرنے والے ظالموں کو جلد قانون کی گرفت میں لایا جائے۔ معصوم بچی کو انصاف فراہم کریں گے۔بچی سے ایسا سلوک کسی صورت قابل قبول نہیں۔ پولیس نے واقعہ کا مقدمہ درج کر لیا ہے-چئیر پرسن چائلڈ پروٹیکشن بیورو سارہ احمد نے بھی یصل آباد میں 12سالہ گھریلو ملازمہ پر تشدد کے واقعہ کا نوٹس لیتے ہوئے ڈسٹرکٹ انچارج فیصل آباد کو ہدایات جاری کر دی ہیں جنہوں نے بچی کو تحویل میں لے لیا ہے۔چائلڈ پروٹیکشن بیورو کی مدعیت میں ملزم کے خلاف ایف آئی آر درج کروا دی گئی ہے۔ بیورو کی جانب سے دی گئی درخواست پر مقدمہ درج کرنے کے بعد ملزم کو گرفتار کر لیا۔سارہ احمد نے کہا کہ بچی کا مکمل طبی معائنہ بھی کروایا جائے گا ااو رمعصوم بچی کو ہر ممکن انصاف فراہم کیا جائے گا۔ آئی جی پنجاب انعام غنی نے بھی فیصل آباد میں گھریلو ملازمہ بچی پر تشدد کے واقعہ کا نوٹس لیتے ہوئے آر پی او فیصل آباد سے واقعہ کی رپورٹ طلب کر لی ہے۔
پڑھے لکھے جاہل امراء
فیصل آباد ایڈن گارڈن کنال روڈ سوسائٹی کے صدر رانا منیر کا بیٹی کے ہمراہ پڑوسی کی گھریلو ملازمہ پر تشدد
لعنت ہے تمہاری مردانگی پہ ?
اس انسانیت سوز حرکت کا نوٹس کون لے گا؟؟؟@OfficialDPRPP pic.twitter.com/ylwY9WgVrB— SanamJamali ?? (@Sanamjamali6) December 5, 2020
