کراچی(این این آئی) کرونا وائرس کی مہلک ترین وبا نے رکن سندھ اسمبلی شرجیل انعام میمن اور ایڈیشنل ہوم سیکریٹری عثمان چاچڑ کو بھی اپنی لپیٹ میں لے لیا۔رپورٹ کے مطابق پاکستان میں کرونا وائرس کی دوسری لہر کے دوران متعدد نامور شخصیات وبا کا شکار ہو

چکی ہیں، کچھ دیر قبل ہی محکمہ داخلہ سندھ کے ایڈیشنل ہوم سیکرٹری عثمان چاچڑ سمیت کئی افراد کا کرونا ٹیسٹ مثبت آگیا۔ایڈیشنل سیکریٹری داخلہ نے کرونا وائرس کی تشخیص کے بعد خود کو گھر میں قرنطینہ کرلیا، عثمان چاثر نے کہا ہے کہ جسم میں درد اور کمزوری محسوس ہورہی ہے۔انہوں نے بتایا کہ محکمہ داخلہ سندھ نے اسلحہ لائسنس برانچ میں عوام کا داخلہ بند کرکے محکمے کے تمام اسٹاف کا کورونا ٹیسٹ کرانے کا فیصلہ کیا ہے۔ذرائع کے مطابق سیکریٹری داخلہ کے پرسنل سیکریٹری سید وسیم اور محکمہ داخلہ میں اسٹاف آفیسر سعید اللہ کا کرونا ٹیسٹ بھی مثبت آگیا جبکہ سندھ سیکریٹریٹ اورانفارمیشن سمیت کئی محکموں کیملازمین کورونامیں مبتلا ہوگئے ہیں۔ذرائع کا کہنا ہے کہ سابق وزیر و رکن سندھ اسمبلی شرجیل انعام میمن کا بھی کرونا ٹیسٹ مثبت آیا ہے جس کے بعد انہوں نے خود کو قرنطینہ کرلیا ہے۔رہنما پاکستان پیپلز پارٹی شرجیل میمن نے کرونا وائرس میں مبتلا ہوتے ہی عوام سے دعائے صحت کی اپیل کردی۔اس سے پہلے وزیر اعلی سندھ سید مراد علی شاہ اور صوبائی وزیر جام اکرام اللہ دھریجو کا کورونا وائرس کا ٹیسٹ بھی مثبت آیا تھا۔

موضوعات:کورونا وائرس