اسلام آباد(مانیٹرنگ ڈیسک،این این آئی )نجی ٹی وی پروگرام میں گفتگو کرتے ہوئے وزیراعظم کے معاون خصوصی شہباز گل کا کہنا تھا کہ سابق وزیراعظم اور ن لیگی قائدنوازشریف کے بیٹے کی لندن کے فور سیزن ہوٹل میں بھارت سے آئے 3 لوگوں کے ساتھ میٹنگ ہوئی ہے
اور مریم نواز بھی گزرے 15 روز میں بھارتی شخصیت سے دو مرتبہ مل چکی ہیں۔ سابق وزیراعظم اور پاکستان مسلم لیگ ن کے قائد سے الفاظ بھارتی اسٹیبلشمنٹ کہلوا رہی ہے اور وقت آنے پر ساری تفصیلات بتائیں گے،دریں اثنا خواجہ سعد رفیق کے بیان پر ردعمل کااظہار کرتے ہوئے انہوں نے کہاکہ بڑے میاں باہر بیٹھ کر ملک پر حملے کر رہے ہیں اور درباری لسانیت کو ہوا دے رہے ہیں۔ اپنے بیان میں شہباز گل نے کہاکہ پنجاب کے عوام ن لیگ کو مسترد کر چکے، جھوٹے میاں اپنی کرپشن کی وجہ سے دھرے گئے ہیں۔ڈاکٹر شہباز گِل نے کہاکہ کاغذی شیر جیلوں کے خوف سے ڈھیر ہو چکے ہیں، کچھ بیماری کا نام لے کر باہر بھاگ گئے کچھ ملک میں دبکے بیٹھے ہیں۔ انہوںنے کہاکہ ملکی خزانے کو ٹیکے لگانے والے آج مگرمچھ کے آنسو بہا رہے ہیں، لوہے کے چنے کہلوانے والے احتساب کے ڈر سے کانپ رہے ہیں۔ انہوںنے کہاکہ سارے بدعنوان مل کر کرپشن بچاؤ تحریک چلا رہے ہیں، تمام بڑے ٹھگوں نے مل کر مولانا کو کرپشن کا امام مقرر کیا ہے۔ انہوںنے کہاکہ بدعنوانوں کا مکس اچار پاکستانی عوام ریجیکٹ کر چکے ہیں، مداری ان کھیلوں کے بجائے عوام کے پاس جا کر معافی مانگیں۔
