اسلام آباد(مانیٹرنگ ڈیسک) 1986کے ڈی جی ایل ڈی اے نے میر شکیل الرحمان کو غیرقانونی طور پر اراضی الاٹ کرنے کا اعتراف کرلیا۔تفصیلات کے مطابق ڈی جی ایل ڈی اے نے کہا ہے کہ انہوں نے میاں نواز شریف کے کہنے پر میر شکیل الرحمان کو غیر قانونی طور پر اراضی منتقل کی تھی۔ نیب نے محکمہ ریونیو سے میر شکیل الرحمان کے گھر کے نقشہ جات حاصل کرلیے ہیں جس سے ثابت ہوتا ہے کہ انہوں نے
دو گلیوں کو اپنے گھر میں شامل کیا۔نیب کواس حوالے سے مزید ثبوت بھی مل گئے ہیں اور اب نیب نے سابق وزیراعظم میاں نواز شریف کو سوال نامہ بھیجنے کا فیصلہ کیا ہے۔نیب لاہورنے نواز شریف سے 20 مارچ کو اس معاملے میں سماعت کے لیے پیش ہونے کو کہا تھا نیب کی مشترکہ تحقیقاتی ٹیم کے سامنے پیش ہونے کے لیے لندن میں نواز شریف کو سمن جاری کیا گیا تھا لیکن نیب کو اس سلسلے میں کوئی جواب نہیں ملا۔
