لاہور(پ ر) وزیراعلیٰ پنجاب عثمان بزدارنے ڈیرہ اسماعیل خان میں کوٹلہ سیدان چیک پوسٹ پر فائرنگ اور ڈی ایچ کیو ہسپتال میں خود کش دھماکے کی شدید مذمت کی ہے-وزیراعلی پنجاب نے دہشت گردی کے واقعات میں پولیس اہلکاروں سمیت معصوم شہریوں کی شہادت پر گہرے دکھ اور افسوس کا اظہار کیاہے-وزیراعلیٰ نے شہدا کے لواحقین سے دلی ہمدردی اور تعزیت کا اظہار
کرتے ہوئے زخمیوں کی جلد صحت یابی کیلئے دعا کی ہے-انہوں نے کہاکہ دہشت گردوں کی بزدلانہ کارروائیاں قوم کے پختہ عزم کو کمزور نہیں کر سکتیں اورپاکستانی قوم دہشت گردی کے ناسور کے مکمل خاتمے کے لئے یکجان ہے-وزیراعلیٰ نے کہا کہ معصوم لوگوں کو نشانہ بنانے والے دہشت گرد انسانیت کے دشمن ہیں -ہماری تمام تر ہمدردیاں شہداء کے لواحقین کے ساتھ ہیں۔
