اسلام آباد (این این آئی)جج کی متنازعہ ویڈیو پنجاب سائنس فورنزک لیبارٹری بھجوا دی گئی۔تفصیلات کے مطابق ویڈیو مسلم لیگ (ن)کی نائب صدر مریم نواز نے پریس کانفرنس میں دکھائی تھی۔ ذرائع ایف آئی اے کے مطابق تصویر اور آواز ایک ہی شخص کے ہونے یا نہ ہونے کی تصدیق کی جائیگی،یہ بھی دیکھا جائے گا کہ آڈیو اور ویڈیو ایک ساتھ ریکارڈ ہوئی یا الگ الگ۔ذرائع نے بتایاکہ فورنزک کے
دوران الیکٹرانک جعل سازی یا ایڈیٹنگ کی جانچ بھی کی جائیگی۔ذرائع کے مطابق مکمل فورنزک ٹیسٹ کیلئے ریکارڈنگ ڈیوائس کا موجود ہونا ضروری ہے۔ ذرائع نے بتایاکہ ایف آئی اے کو ابھی تک ویڈیو بنانے والی ڈیوایس نہ مل سکی، ڈیوائس نہ ملنے کے باعث ویڈیو کی جانچ پڑتال میں تاخیر کا خدشہ ہے۔ ذرائع کے مطابق ڈیوائس موجود ہو تو ویڈیو کا فرانزک ایک سے دو روزمیں مکمل ہو جاتی ہیں۔
