اسلام آباد(آن لائن)بدترین سیاسی مخالفین میں پاکستانیت جاگ گئی۔ لیگی رہنما نے احتساب عدالت کے باہر سچ اگل دیا ۔ احتساب عدالت میں میاں نواز شریف کی پیشی کے موقع پر کئی رہنما احتساب عدالت کے باہر آپس میں سرگوشیاں کر رہے تھے کہ وزیر اعظم پاکستان عمران خان نے قوم سے جو خطاب کیا وہ اثر انگیز ہے اگر وہ ان باتوں پر 40 فیصد بھی عمل کر گئے تو قوم کا لیڈر بن جائے گا۔ ایک لیگی رہنما نے نام ظاہر نہ کرنے کی شرط پر بتایاکہ عمران خان نے

جو قوم سے خطاب کیا وہ میرے دل میں جا لگا ۔ اب محسوس ہو رہا تھا کہ میں خود بول رہا ہوں ۔ دل پر وہی باتیں اثرانداز ہوتی ہیں جو دل سے نکلی ہوں ۔ کراچی سے تعلق رکھنے والے لیگی رہنما سے جب جاننے کی کوشش کی تو وزیر اعظم کا قوم سے خطاب آپ نے سنا تو انہوں نے برجستہ جواب دیا جی سنا ، خارجی محاذ پر وزیر اعظم نے کوئی پالیسی بیان نہیں دیا تو باقی انہوں نے اپنے خطاب میں زندگی کا کوئی طبقہ ایسا نہیں تھا جس پر انہوں نے بات نہ کی ہو ۔

موضوعات:(ن) لیگ عمران خان