اسلام آباد(مانیٹرنگ ڈیسک)سابق وزیراعظم نواز شریف، ان کی صاحبزادی مریم اور داماد کیپٹن (ر) صفدر نے ایون فیلڈ ریفرنس فیصلے کے خلاف اپیلیں تیار کرلیں۔ خواجہ حارث نے ایون فیلڈ ریفرنس فیصلے کیخلاف اپیلیں تیار کیں۔ایون فیلڈ ریفرنس فیصلے کوآج پیر کو اسلام آباد ہائیکورٹ میں چیلنج کیا جائے گا۔

نواز شریف، مریم نواز اور کیپٹن (ر) صفدر نے وکالت ناموں پر دستخط کر دیئے۔ وکلاء نے مشورہ دیا ہے کہ 10 دن میں اگر پاکستان واپس نہ آئے تو ریلیف ملنا مشکل ہے۔ واضح رہے کہ نوازشریف اور مریم نواز نے 13جولائی بروز جمعہ کو پاکستان واپسی کا اعلان کر رکھا ہے۔

موضوعات:ایون فیلڈ ریفرنس