اسلام آباد (مانیٹرنگ ڈیسک)ناروال میں تحریک انصاف کے کئی اہم رہنمائوں نے مسلم لیگ ن میں شمولیت کا اعلان کر دیا ہے ۔ نجی اخبار کی رپورٹ کے مطابق تحریک انصاف کو ناروال میں الیکشن سے قبل اہم دھچکا لگ گیا ہے ۔ تحریک انصاف کے ناراض رہنمائوں نے ٹکٹیں نہ ملنے کی وجہ سے اپنے ساتھیوں سمیت (ن)میں شامل ہو گئے ہیں اور انہوں نے الیکشن مین سابق وزیر داخلہ احسن اقبال کی حمایت کا اعلان کر دیا ہے ۔
ان میں سابق امیدوار صوبائی اسمبلی امین خان ، سٹی ناروال سے پی ٹی آئی کے رہنما امجد خان کا کڑ اور نعیم خان کاکڑ شامل ہیں ۔ امین خان نے گزشتہ روز منظور پورہ میں ن لیگ کا جلسہ کرایا اور اس میں باقاعدہ شمولیت کا اعلان کیا جبکہ نعیم خان کاکڑ اور امجد خان کاکڑ نے احسن اقبال سے ملاقات میں ان کی حمایت کا اعلان کیا جبکہ پی ٹی آئی سیکرٹریٹ ختم کر کے وہاں ن لیگ کا جھنڈا لہر دیا گیا ۔
