لاہور(نیوز ڈیسک)چیئرمین پاکستان تحریک انصاف عمران خان 9 جولائی کو پارٹی منشور کا اعلان کریں گے۔ذرائع کے مطابق پی ٹی آئی کا 100 دن کا پلان کو بھی منشور میں شامل کیا گیا ہے۔اس کے علاوہ غربت میں کمی کیلئے اقدامات، انسداد دہشت گردی کے قوانین میں بھی تبدیلی بھی منشور کا حصہ ہے۔پارٹی منشور کے مطابق ٹیکسوں کا بوجھ

کم کرنے اور بجلی و گیس کی قیمتیں کم کی جائیں گی۔وزیراعظم ہاؤسنگ اسکیم کے تحت 50 لاکھ گھر بنائے جائیں گے۔ معیشت کی بحالی اور خارجہ محاذ پر تعلقات کے حوالے سے عملدر آمد کو منشور کا حصہ بنایا گیا ہے۔ذرائع کے مطابق منشور میں تعلیم ،صحت، روزگار، نوجوانوں اور خواتین کے بارے میں عملی پالیسیوں کا اعلان بھی ہوگا۔