چیف جسٹس کے اقدام پر تکلیف تحریک انصاف یا خیبر پختوا خوا حکومت کو ہونی چاہیے تھی ٗ نوازشریف کو کیوں ہورہی ہے؟ نواز شریف اپنا نفسیاتی معائنہ کروائیں، تحریک انصاف کے ترجمان کا مشورہ اسلام آباد (مانیٹرنگ ڈیسک)پاکستان تحریک انصاف کے

رہنما فواد چوہدری نے کہاہےکہ چیف جسٹس کے اقدام پر تکلیف پی ٹی آئی یا خیبر پختوا خوا حکومت کو ہونی چاہیے تھی ٗ نوازشریف کو کیو ہورہی ہے ۔نجی ٹی وی کے مطابق سابق وزیر اعظم نواز شریف نے احتساب عدالت میں غیر رسمی گفتگو کرتے ہوئے کہا کہ سنا ہے چیف جسٹس نے برتن دے مارا ٗجو چیف جسٹس برتن دے مارے وہ ملک کا چیف جسٹس ہو سکتا ہے؟ نواز شریف کے بیان پر ردعمل دیتے ہوئے تحریک انصاف کے رہنما فواد چوہدری نے کہاکہ چیف جسٹس نے پشاور میں ہسپتال کا دورہ کیا ، اگر ایسی کوئی بات تھی تو تکلیف پی ٹی آئی کو یا خیبر پختونخوا حکومت کو ہونی چاہیے تھی ، نواز شریف کو کیوں تکلیف ہورہی ہے۔انہوں نے کہا کہ نوازشریف کو مشورہ ہے کہ وہ اسی ہسپتال میں اپنا نفسیاتی معائنہ کرائیں جہاں کا چیف جسٹس نے دورہ کیا تھا۔دوسری جانب اے این پی کے رہنما زاہد خان کا کہنا ہے کہ چیف جسٹس کے ہسپتال کے دورے سے عمران خان کے جھوٹ کا بھانڈا پھوٹ گیا اور حقیقت عوام کے سامنے آگئی ہے، عمران خان جن ہسپتالوں کو ٹھیک کرنے کی بات کرتے ہیں ان کا حال قوم کے سامنے آگیا ہے۔