لاہور (آن لائن) سرکاری سکولوں میں گرمیوں کی چھٹیاں کب سے شروع ہوں گی،محکمہ تعلیم نے بڑا فیصلہ کرلیا،نجی سکولوں پر بڑی پابندی عائد،خلاف ورزی پر جرمانہ ہوگا، تفصیلات کے مطابق محکمہ تعلیم پنجاب نے صوبے بھر کے سرکاری سکولوں میں 8 جون سے گرمیوں کی تعطیلات کرنے کا فیصلہ کیا ہے تاہم فیصلے کا نوٹیفکیشن آئندہ چند روز میں جاری کر دیا جائے گا۔
سیکرٹری سکولز پنجاب کے مطابق گرمیوں کی چھٹیوں کے دوران تمام سرکاری اور نجی سکولوں میں سمر کیمپ لگانے پر پابندی عائد ہو گی تاہم اگر کسی سکول نے تعطیلات کے عرصے میں سمر کیمپ لگانا ہو گا تو اس کی پہلے ڈسٹرکٹ سکولز اتھارٹی سے اجازت حاصل کرنا لازم ہو گی۔ سیکرٹری سکولز کے مطابق اگر کسی سرکاری یا نجی سکولوں کی انتظامیہ نے گرمیوں کی تعطیلات کے دوران سمر کیمپ لگانے پر عائد پابندی کی خلاف ورزی کی تو اسے 20 ہزار روپے جرمانہ کیا جائے گا جبکہ دوسری طرف پرائیویٹ سکولز ایسوسی ایشن نے اس پابندی کی مخالفت کرتے ہوئے تجویز پیش کی ہے کہ اگر کوئی نجی سکول بغیر فیس کی دوان تعطیلات سمر کیمپ لگانا چاہتا ہے تو اسے اس کی اجازت ہونی چاہیے۔ سیکرٹری سکولز نے رمضان المبارک کے دوران صوبے بھر کے سکولوں کے اوقات کار کے بارے میں بتایا ہے کہ رمضان المبارک کے دوران تمام سرکاری اور نجی سکول صبح سات بجے سے گیارہ بجے تک تدریسی عمل کو جاری رکھ سکیں گے۔ سرکاری سکولوں میں گرمیوں کی چھٹیاں کب سے شروع ہوں گی،محکمہ تعلیم نے بڑا فیصلہ کرلیا،نجی سکولوں پر بڑی پابندی عائد،خلاف ورزی پر جرمانہ ہوگا، محکمہ تعلیم پنجاب نے صوبے بھر کے سرکاری سکولوں میں 8 جون سے گرمیوں کی تعطیلات کرنے کا فیصلہ کیا ہے تاہم فیصلے کا نوٹیفکیشن آئندہ چند روز میں جاری کر دیا جائے گا۔
