اسلام آباد (نیوز ڈیسک) سوشل میڈیا کے ذریعہ خبر ہو یا کوئی پیغام آناً فاناً لاکھوں لوگوں تک پہنچ جاتا ہے، یہی وجہ ہے کہ اب پاکستانی سیاستدانوں نے بھی سوشل میڈیا کا سہارا لے لیا ہے۔ ایک موقر انگریزی روزنامے کی رپورٹ کے مطابق تحریک انصاف کے چیئرمین عمران خان کے ٹوئٹرپر فالوورز کی تعداد میں سب سے زیادہ اضافہ دیکھنے میں آیا ہے،

34 دنوں میں عمران خان کے فالوورز میں ایک لاکھ 73 ہزار 9 سو کا اضافہ ہوا ہے، ان میں نوے ہزار ایسے ہیں جنہوں نے پہلی بار سماجی رابطے کی ویب سائٹ ٹوئٹر پر اپنا اکاؤنٹ بنایا ہے۔ مسلم لیگ (ن) کے صدر اور وزیراعلیٰ پنجاب شہباز شریف اس مقابلے میں دوسرے نمبر پر نظر آتے ہیں، رپورٹ کے مطابق شہباز شریف ایک لاکھ 5 ہزار 173 فالوورز بنانے میں کامیاب رہے اور ان میں 61 ہزار ایسے ہیں جنہوں نے ٹوئٹر پر نیا اکاؤنٹ بنایا ہے۔ سابق وزیراعظم میاں محمد نواز شریف کی صاحبزادی مریم نواز تیسرے نمبر پر ہیں ان کے فالوورز کی تعداد میں 95 ہزار 354 کا اضافہ دیکھنے میں آیا ہے، ان میں نئے اکاؤنٹس بنانے والوں کی تعداد 59 ہزار 8 سو ہے۔ رپورٹ کے مطابق تحریک انصاف کے رہنما جہانگیر ترین چوتھے نمبر پر ہیں ان کے فالورز میں 82 ہزار 7 سو 11 کا اضافہ دیکھنے میں آیا ہے۔ رپورٹ کے مطابق مختلف سیاسی جماعتوں کے قائدین کے فالوورز کی تعداد میں اضافہ دیکھنے میں آیا ہے، ان رہنماؤں میں فواد چودھری، خواجہ آصف، خواجہ سعد رفیق اور متعدد معروف شخصیات شامل ہیں، رپورٹ کے مطابق پیپلز پارٹی کے شریک چیئرمین آصف علی زرداری اور ان کی بہن بختاور کے فالوورز میں اضافے کی شرح کم رہی، ان دونوں کو 50 ہزار سے کم نئے فالوورز ملے۔ تحریک انصاف کے چیئرمین عمران خان کے ٹوئٹرپر فالوورز کی تعداد میں سب سے زیادہ اضافہ دیکھنے میں آیا ہے

موضوعات:سوشل میڈیا