لاہور (ا ین این آئی) وفاقی وزیر ریلوے خواجہ سعد رفیق نے کہا ہے کہ نیب کی وضاحت ناقابل قبول اور قانون و انصاف سے متصادم ہے ،غیر قانونی دباؤ کا سلسلہ بند ہونا چاہیے ۔ انہوں نے سماجی رابطے کی ویب سائٹ ٹوئٹر پر سابق وزیر اعظم نواز شریف کے خلاف منی لانڈرنگ کے حوالے سے نیب کی جانب جاری وضاحتی بیان کا عکس شیئر کرتے ہوئے کہا کہ نیب کی وضاحت ناقابل قبول اور قانون و انصاف سے متصادم ہے ،غیر قانونی دباؤ کا سلسلہ بند ہونا چاہیے اور چیئرمین نیب
تشویشناک صورتحال کا نوٹس لیں ۔ جنوبی پنجاب صوبہ محاذ کے پی ٹی آئی میں انضما م کے حوالے سے خواجہ سعد رفیق نے کہا کہ حصول اقتدار کے لئے عمران خان نیکوکار ہر غیر اخلاقی اور ناجائز عمل کو جائز سمجھتے ہیں ، آج یہ ایک جنوبی پنجاب کو الگ صوبہ بنانے کا نعرہ لگانے والے ابن الوقت وڈیرے ہمیشہ اقتدار میں رہ کر اپنا الو سیدھا کرتے رہے ۔ انہوں نے کہا کہ مسلم لیگ (ن) جنوبی پنجاب میں ابن الوقت جاگیرداروں کی بجائے مڈل کلاس کے نظریاتی افراد کو سامنے لائے گی۔
