اسلام آباد(مانیٹرنگ ڈیسک)ڈرگ انسپیکٹر عظمیٰ خالد اور اے سی حسن ابدال کا عطائی ڈاکٹروں کے خلاف کریک ڈاؤن۔محکمہ صحت کی اپنی ٹیم کے ہمراہ ہزارہ روڈ ڈاکخانہ سٹاپ کے قریب واقع ظفر ہسپتال پر چھاپہ۔عظمیٰ خالد نے کچھ دن پہلے معمر خاتون کو غلط انجیکشن لگانے کی خبر پر ظفر ہسپتال کے خلاف کاروائی کی۔تاہم متاثرہ خاتون نے موقع پر ظفر ہسپتال کی انتظامیہ سے راضی نامہ لکھ کر دے دیا۔جس پر محکمہ صحت نے غلط انجیکشن لگانےوالےظفر ہسپتال کے
کمپاؤڈر پر تا حیات کسی بھی ہسپتال میں پریکٹس کرنے پر پابندی لگا دی۔یاد رہے کچھ دن پہلے حسن ابدال میں ظفر ہسپتال کے کمپاؤڈر کی جانب سے غلط انجیکشن لگا کر خاتون کوبازو سے محروم کرنے کی خبر سوشل اور پرنٹ میڈیا پر شائع ہوئی تھی۔ دوسری طرف محکمہ صحت کی ٹیم نے مظہر ہسپتال کےخلاف کاروائی کرتے ہوئے ہسپتال سیل کر دیا۔مظہر ہسپتال میں ڈاکٹر کی غیر موجودگی میں نان کوالیفائیڈ سٹاف مریضوں علاج معالجے کی سہولیات مہیا کر رہا تھا۔
/> 
