کراچی(نیوزڈیسک) تفصیلات کے مطابق ایم کیو ایم پاکستان کے سربراہ فاروق ستار سمیت دیگر اہم رہنماؤں کو گرفتار کرنے کا فیصلہ کرلیا گیا ہے۔،ذرائع کے مطابق ایم کیو ایم منی لانڈرنگ کیس میں بڑی پیش رفت ہوئی اور اس سلسلے میں متحدہ پاکستان کے سربراہ فاروق ستار اور دیگر رہنماوں کو گرفتار کرنے کا فیصلہ کیا گیا ہے، واضح رہے کہ ایم کیو ایم کیخلاف منی لانڈرنگ کیس سرفراز مرچنٹ کیدرخواست پر درج کیا گیا تھا جس کے بعد ایف آئی اے نے اس سلسلے میں ایم کیو ایم اور پی ایس پی کے رہنماؤں کونوٹس بھی
بھیجے تھے۔ جن رہنماؤں کو نوٹس بھیجے گئے تھے ان میں فاروق ستار،، ارشد وہرہ، رؤف صدیقی ،سہیل منصوراور ریحان منصور شامل تھے۔ذرائع کا کہنا ہے کہ ابھی تک ان رہنماوں کی جانب سے ایف آئی اے کے نوٹس کا کوئی جواب نہیں دیا گیا یہی وجہ ہے کہ ایف آئی اے کو کوئی جواب نہ دیے جانے کے باعث اب ایم کیو ایم اور پی ایس پی سے تعلق رکھنے والے ان رہنماؤں کو گرفتار کرنے کا فیصلہ کیا گیا ہے۔ذرائع کا کہنا ہے کہ فاروق ستار سمیت دیگر اہم رہنماؤں کو اس سلسلے میں کسی بھی وقت گرفتار کیاجاسکتاہے۔
