کراچی(آئی این پی)وزیراعلیٰ سندھ سید مراد علی شاہ نی25 دسمبراتوار کو3 مرتبہ بانی پاکستان قائد اعظم محمد علی جناح کے مزار پر حاضری دی،پہلی مرتبہ سید مراد علی شاہ نے اپنی کابینہ کے ہمراہ مزار قائد پر حاضری دی اور فاتح خوانی کی۔

اس کے بعد پارٹی کے چئیرمین بلاول بھٹو زرداری مزار قائد پر حاضری دینے آئے تو پھر وزیراعلیٰ سندھ نے ان کے ہمراہ مزار پر حاضری دی اور فاتح خوانی کی۔

اس کے بعد وزیراعلیٰ سندھ سید مراد علی شاہ نے سابق صدر مملکت پیپلزپارٹی کے شریک چیئرمین آصف علی زرداری کے ہمراہ تیسری مرتبہ مزار قائد پر حاضری دی اور فاتح خوانی کی،اس موقع پر لوگ چیمہ گوئیاں کررہے تھے کہ وزیراعلیٰ پارٹی چیئرمین اور شریک چیئرمین کے پروٹوکول افسر بنتے ہوئے مزار پر حاضری دے رہے ہیں۔

موضوعات:بلاول بھٹو قائداعظم محمد علی جناح وزیراعلی سندھ