اسلام آباد (این این آئی) آف شور کمپنیوں کا سرمایہ پاکستان لانیوالوں کو چھوٹ دینے کیلئے خصوصی پیکیج کی تیاری شروع کر دی گئی ہے ،اس حوالے سے ایف بی آر نے سٹیٹ بینک اور ایف آئی اے سے تجاویز بھی طلب کر لی ہیں۔نجی ٹی وی کے مطابق ایف بی آر ذرائع کا کہنا ہے کہ آف شور کمپنیز کا سرمایہ پاکستان لانے کیلئے ون ٹائم چھوٹ کی سکیم زیر غور ہے اور اس کیلئے خصوصی پیکیج کی تیاری شروع کر دی گئی ہے۔

خصوصی پیکیج کے ذریعے غیر ملکی سرمایہ کاری پاکستان لانے کی حوصلہ افزائی کی جائیگی اور سرمایہ کاروں کو چھوٹ دی جائیگی ۔ذرائع کا کہنا ہے کہ قانونی طریقہ کار کے ذریعے سرمایہ پاکستان لانے میں پیچیدگیاں ہو سکتی ہیں اور اس سکیم کا مقصد طریقہ کار کو آسان بنانا ہے تاکہ بیرون ملک سے پیسہ پاکستان آ سکے۔

موضوعات:آف شور کمپنیوں کا سرمایہ سٹیٹ بینک