اسلام آباد (مانیٹرنگ ڈیسک) پاکستان کے ایک ایس ایچ او نے ایسا کام شروع کر دیا کہ جان کر آپ کو بھی ان پر فخر ہوگا ۔ خبر رساں ادارے کے مطابق پنڈی بھٹیاں میں ایک ایس ایچ او نے مسجد میں امات کا فرض سنبھال لیا ہے۔تفصیلات کے مطابق تھانہ سٹی کے ایس ایچ او محمد صفدر علی نے تھانہ کی مسجد میں امامت کا فرض بھی خود سنبھال لیا ہے اور سرکاری فرائض کی ادائیگی کے ساتھ ساتھ وہ پانچ وقت کی نماز بھی پڑھاتے ہیں جبکہ انکے ساتھ اس مسجد میں موذن کے فرائض بھی تھانہ کے ایڈمن آفیسر سر انجام دے رہے ہیں۔ایس ایچ او صفدر علی تمام ملازمین کو باجماعت نماز ادا کرنے کی تلقین کرتے ہیں۔ اور حیران کن امر یہ ہے کہ اس تھانہ کی نفری کسی انتہائی مجبوری کے علاوہ تمام نمازیں با جماعت ادا کرتی ہے۔