اسلام آباد(مانیٹرنگ ڈیسک) محترمہ بے نظیر بھٹو شہید کی برسی کے موقع پر سندھ بھر میں 27دسمبر کو چھٹی کا اعلان کر دیا گیا ہے۔ پیپلز پارٹی بینظیر بھٹو کی برسی منانے کے لیے 27 دسمبر کو ضلع لاڑکانہ کے گڑھی خدا بخش میں جلسہ منعقد کرے گی۔واضح رہے کہ پیپلز پارٹی کے شریک چیئرمین آصف علی زرداری بھی 18 ماہ کی خود ساختہ جلا وطنی کے بعد پاکستان واپس پہنچے۔اس موقع پر استقبال کے لیے آئے ہوئے کارکنوں سے خطاب کرتے ہوئے ان کا کہنا تھا کہ ’لوگوں کو پاکستان سے بڑی مایوسی ہے لیکن میں یہاں مایوسیاں پھیلانے نہیں آیا۔آصف علی زرداری نے کشمیر واپس لینے کے عزم کا بھی اظہار کیا۔ان کی وطن واپسی کے بعد امکان ظاہر کیا جارہا ہے کہ وہ اپنے بچوں کے ہمراہ گڑھی خدا بخش کے جلسے میں موجود ہوں گے۔یاد رہے کہ بینظیر بھٹو کو 27 دسمبر 2007 کو راولپنڈی کے لیاقت باغ میں قتل کردیا گیا تھا۔