لاہور( این این آئی)سینئر صحافی ،لاہور پریس کلب کے لائف ممبر انور قدوائی گزشتہ روز انتقال کر گئے ، گورنر پنجاب ملک محمد رفیق رجوانہ نے انور قدوائی کے انتقال پر گہرے رنج وغم کا اظہار کیا ہے ۔ گورنر پنجاب ملک محمد رفیق رجوانہ نے اپنے تعزیتی پیغام میں کہا کہ صحافت کے میدان میں ان کی خدمات اور پُر اثر شاندار تحریریں ہمیشہ یاد رکھی جائیں گی۔ اُن کی وفات سے جو خلاء پیدا ہوا ہے وہ پُر ہونا آسان نہیں ہوگا۔ انہوں نے سوگوار خاندان سے اظہار ہمدردی کرتے ہوئے دُعا کی ہے کہ اللہ تعالیٰ مرحوم کو جوارِ رحمت میں جگہ عطا فرمائے اور لواحقین کو یہ صدمہ صبر و استقامت کے ساتھ برداشت کرنے کا حوصلہ دے۔