اسلام آباد (نیوزڈیسک)اسلام آبادپولیس نے سکیٹرایف 11کے ایک گھرمیں چھاپہ مارکرتین کروڑ کی شراب برآمدکرلی ہے ۔ایک نجی ٹی وی کے مطابق اس گھرمیں ایک سفارت کارخاتون کی رہائش ہے اورپولیس نے خفیہ اطلاع پراس گھرپرچھاپہ مارکرتین کروڑ کی شراب برآمد کی جبکہ یہ شراب مختلف برانڈزکی بوتلوں اور57ہزارکے قریب کینوں میں پیک کی گئی تھی ۔
پولیس نے اس دوران گھرمیں موجود تین ملازمین کوبھی گرفتارکرلیاہے جبکہ خاتون سفارتکارجس کاتعلق فلپائن سے بتایاجارہاہے اس کی تلاش شروع کردی ہے ۔واضح رہے کہ پولیس نے یہ چھاپہ خفیہ اطلاع پرماراکہ کرسمس اورنیوائرنائٹ کی وجہ سے اس گھرمیں شراب کی فروخت کھلے عام جاری ہے ۔
