اسلام آباد (مانیٹرنگ ڈیسک) پارلیمنٹ ہاؤس میں چوہے پکڑنے کا ٹھیکہ نجی کمپنی کو دیدیا گیا۔ ذرائع کے مطابق پارلیمنٹ ہاؤس میں اب بھی 100 سے زائد چوہے موجود ہیں۔ پارلیمنٹ ہاؤس میں 7 ماہ میں مجموعی طور پر 430 چوہے پکڑے گئے۔

تفصیلات کے مطابق گزشتہ منگل کے روز وزیراعظم کے چیمبر سے بھی ایک زندہ چوہا پکڑا گیا۔ نجی کمپنی کو چوہے پکڑنے کا ٹھیکہ ساڑھے 6 لاکھ روپے میں سی ڈی اے نے دیا۔ نجی کمپنی نے چوہے پکڑنے کا معاوضہ 400 روپے فی چوہا وصول کیا۔ چوہوں کی بہتات کی وجہ چیمبرز کے ساتھ بنائے گئے کچن ہیں۔