لاہور ( این این آئی) تمام سرکاری سکول 25 دسمبر سے یکم جنوری تک بند رہیں گے ، نجی تعلیمی اداروں کو بھی پابند بنایا جائیگا،پنجاب کے سرکاری تعلیمی اداروں میں موسم سرما کی تعطیلات کا اعلان ہو گیا ، 25دسمبر ست ایک ہفتہ چھٹیاں رہیں گی ۔
محکمہ تعلیم پنجاب کے مطابق تعطیلات 25 دسمبر سے یکم جنوری تک رہیں گی اور تعطیلات کے بعد تعلیمی سلسلے کا آغاز 2 جنوری سے دوبارہ ہوگا ۔ ذرائع کے مطابق نجی تعلیمی اداروں کو بھی سرکاری تعطیلات کے شیڈول پر عمل کرانے کا پابند بنایا جائے گا ۔ تعطیلات کے بعد دو جنوری سے معمول کے مطابق تدریسی سلسلہ بحال ہو جائے گا ۔
