اسلام آباد (این این آئی)وفاقی وزیر خزانہ اسحاق ڈار نے کہا ہے کہ 2013ء کے الیکشن پرانے قوانین کے تحت ہوئے،کوشش ہے 2018ء میں عام انتخابات نئے قانون کے تحت ہوں۔وزیر خزانہ اسحاق ڈار نے انتخابی اصلاحات سے متعلق میڈیا سے گفتگو کرتے ہوئے کہا ہے کہ 2013ء کے الیکشن پرانے قوانین کے تحت ہوئے،انتخابی اصلاحات کمیٹی میں تمام ذیلی کمیٹیوں کی نمائندگی موجود ہے،انتخابی اصلاحات کمیٹی بنانے کا مقصد انتخابی قوانین کو تبدیل کرنا ہے،کمیٹی میں تمام جماعتوں کی نمائندگی موجود ہے،انتخابی اصلاحات کمیٹی تین حصوں پر مشتمل ہے،گزشتہ روز بھی تمام جماعتوں کے نمائندوں نے اجلاس میں شرکت کی ہے۔انہوں نے کہا کہ تمام جماعتوں کے اتفاق سے ہی انتخابی اصلاحات کی جائیں گی،کمیٹی ایک ماہ میں کام مکمل کرلے گی۔

موضوعات:اسحاق ڈار عام انتخابات