اسلام آباد(مانیٹرنگ ڈیسک) نجی ٹی وی چینل ایکسپریس نیوز کے پروگرام خبردار کے مرکزی کردار آغا ماجد نے پروگرام کو خیر باد کہہ دیا۔ تفصیل کے مطابق آغا ماجد نجی ٹی وی پروگرام ’’خبردار‘‘ کا ایک مرکزی کردار ’’مخبر بابا‘‘ ادا کرتے تھے۔ ’’خبردار‘‘ میں گفتگو کرتے ہوئے پروگرام کے میزبان آفتاب اقبال نے کہا کہ آغا ماجد ہمارا پروگرام چھوڑ کر چلے گئے ہیں، ہمیں نہیں معلوم کہ ان کے کچھ نجی مسائل ہیں یا کچھ اور مسائل ہیں۔ بہر حال وہ پروگرام چھوڑ چکے ہیں اور ان کے ساتھ ہم 32اقساط کینیڈا سے بنا کر آئے تھے، ان اقساط کو چلایا جائے گا، آفتاب اقبال نے کہا کہ کامیڈین سے زیادہ سکرپٹ اہم ہوتا ہے اور اگر سکرپٹ اچھا نہ ہو تو بڑے بڑے کامیڈین فلاپ ہو جاتے ہیں۔

موضوعات:خبردار