اسلام آباد(این این آئی)سکندر مقدر کا سکندر بن گیا،15اگست2013ء کو پارلیمنٹ ہاؤس کے سامنے بلیو ایریا اسلام آباد کے اہم ترین علاقے میں ہاتھوں میں کلاشنکوف پکڑے طویل ڈرامہ کرنے والا سکندر مقدر کا سکندر بن گیا،2017ء سر پر آگیا مگر فیصلہ نہ ہوا۔ انسداد دہشت گردی کی عدالت نے بلیو ایریا اسلام آباد میں فائرنگ سے متعلق کیس کی سماعت سرکاری وکیل کی عدم تعیناتی کے باعث کسی کارروائی کے بغیر 3 جنوری تک ملتوی کر دی ۔ انسداد دہشت گردی کی عدالت کے جج سید کوثر عباس زیدی نے بلیو ایریا میں فائرنگ کے واقعے کی سماعت کی ، عدالت کو بتایا گیا کہ ابھی تک سرکاری وکیل مقرر نہیں کیا جا سکا جس پر عدالت نے ملزم سکندر کے جوڈیشل ریمانڈ میں 15 یوم کی توسیع کرتے ہوئے مزید کسی کارروائی کے بغیر سماعت تین جنوری تک ملتوی کردی