اسلام آباد (مانیٹرنگ ڈیسک) یہ دنیا وہ دنیا ہے جہاں ہر روز کچھ نیا ہوتا ہے ۔ عزم و ہمت کی داستانیں لکھی جاتی ہیں ۔ وطن عزیز کا نام بلند کیا جاتا ہے ۔ ایسی ہی ایک مثال گورنمنٹ ہائی سکول قلعہ احمد آباد میں جماعت نہم کے طالبعلم نے قائم کردی اور معزور ہونے کے باوجود ہشتم کے امتحانات میں پہلی پوزیشن حاصل کی ۔شفاقت حسین کے دونوں ہاتھ بچپن سے کمزور ہیں اور وہ ہاتھ کی انگلیوں سے قلم نہیں پکڑ سکتا جس پر شفاقت حسین نے اپنے دائیں پاؤں کی انگلیوں سے لکھنے کا طریقہ سیکھ لیا۔
شفاقت حسین کا تعلق موضع مان کے ایک غریب کاشتکار گھرانے سے ہے اس کے والد رفاقت علی کھیتی باڑی کرکے اپنا اور اپنے بچوں کا پیٹ پالتے ہیں ان کے6 بچے ہیں ان میں سے شفاقت حسین ہاتھوں سے قلم پکڑ نے کی سکت نہیں رکھتا تھا جس پر اس نے ہمت نہ ہاری اور دائیں پاؤں کی انگلیوں سے قلم پکڑ کر لکھنے کی پریکٹس شروع کردی جماعت ہشتم کے امتحان 2016ء4 میں شفاقت حسین نے قلعہ احمد آباد میں پہلی پوزیشن حاصل کی تھی سکول کے سینئر ہیڈ ماسٹر عبدالمنان بٹ نے صحافیوں سے گفتگو کرتے ہوئے بتایا کہ طالبعلم شفاقت حسین انتہائی محنتی ہے اور اپنا کام پوری محنت سے کرتا ہے ۔

موضوعات:شفقت حسین