اسلام آباد(آن لائن)پاکستان تحریک انصاف کے رہنمافوادچوہدری نے کہا ہے کہ کوئٹہ کمیشن رپورٹ کے بعدوزیرداخلہ استعفیٰ دیں ،انہیں وضاحت دیناہوگی ۔
نجی ٹی وی کے پروگرام میں گفتگوکرتے ہوئے انہوں نے کہاکہ سانحہ کوئٹہ کی رپورٹ سپریم کورٹ کے جج پرمشتمل کمیشن نے دی ہے اوروفاقی حکومت اس پرعملدرآمدکی پابندہے ،رپورٹ کے بعدچوہدری نثارکواستعفٰی دیناچاہئے۔انہیں وضاحت دیناہوگی عمران خان نے وزیرداخلہ کے استعفے کامطالبہ کیاہے اورہم پیپلزپارٹی کے مطالبے کی حمایت کرتے ہیں ۔
انہوں نے کہاکہ اے پی ایس سانحہ کے ذمہ داروں سمیت کسی کے خلاف کارروائی نہیں ہوئی ۔ذمہ داروں کے خلاف کارروائی ہونی چاہئے ۔اس ملک میں کوئی ذمہ داری لینے کوتیارنہیں۔
