اسلام آباد (این این آئی)اسلام آبادانٹرنیشنل ایئرپورٹ پر کارروائی ،دھڑا دھڑ گرفتاریاں، ایف آئی اے نے بینظیر بھٹو انٹرنیشنل ایئرپورٹ پر کارروائی کرتے ہوئے 12مسافروں کو جہاز سے اتار لیا ۔نجی ٹی وی کے مطابق ایف آئی اے اسلام آباد نے کارروائی کرتے ہوئے نامکمل سفری دستاویزات پر بیرون ملک جانے کی کوشش کرنے والے 12مسافروں کو جہاز سے آف لوڈ کر دیا ۔ طیارے سے اتارے گئے 12میں سے 8مسافر ملائشیا جا رہے تھے ۔

ایف آئی اے ذرائع کے مطابق ملزمان ورکنگ ویز ے پر بیرون ملک جانے کی کوشش کر رہے تھے تاہم انکے دستاویزات پر کمپنی کا نام اور دیگر تفصیلات موجود نہیں تھیں جس بنا پر انہیں حراست میں لیکر تفتیش کیلئے روک لیا گیا ہے ۔