پشاور(آن لائن)خیبر پختونخواہ حکومت کی ویب سائٹ کو ہیک کر لیا گیا ، ہیکرز نے تحریک انصاف کے چیئرمین عمران خان پر تنقید کی ہے۔تفصیلات کے مطابق پشتون سائبر آرمی نے خیبر پختونخوا حکومت کی سرکاری ویب سائٹ ہیک کی اور ویب سائٹ پر اپنے پیغام میں لکھا ہے کہ ہم آپکے سسٹم میں داخل ہو چکے ہیں، تبدیلی آنہیں رہی آگئی ہے۔ہیکر ز نے مزید لکھا ہے کہ عمران خان کی خیبر پختونخوا میں حکومت مذاق ہے ،جو شخص ایک سال تک شادی نہیں چلا سکتا وہ حکومت کیا چلائے گا ؟ ہیکرز نے مزید لکھا کہ عمران خان نے 3سال تک پختونوں کو دھرنوں میں استعمال کیا اور تخت لاہور پر قبضہ کرنے کے لیے دھرنا دیا۔

موضوعات:خیبر پختونخواہ ہیکرز