اسلام آباد(این این آئی)وزیراعظم کے معاون خصوصی ڈاکٹرآصف کرمانی نے کہاہے کہ قومی اداروں کی توہین کرنا اور عدلیہ کے فیصلوں کو نہ ماننا عمران خانی طرز سیاست ہے،عمران خان اپنی مرضی کے فیصلے کروانا چاہتے ہیںجبکہ عدالتیں ٹھوس ثبوت اور شہادتوں کی بنیاد پر فیصلے کرتی ھیں،عمران خان نے قوم اور عدالت دونوں کا وقت ضائع کیا،مسلم لیگ ن انشا اللہ 2018 میں خیبر پختونخواہ میں بھی حکومت بنائے گی۔ ایک بیان میں انہوں نے کہاکہ قومی اداروں کی توہین کرنا اور عدلیہ کے فیصلوں کو نہ ماننا عمران خانی طرز سیاست ہے۔

ڈاکٹرآصف کرمانی نے کہاکہ وزیر اعظم نواز شریف نے ھمیشہ قومی اداروں کو مستحکم کیا اور عدلیہ کے فیصلوں کا احترام کیا ھے۔ انہوں نے کہاکہ عمران خان اپنی مرضی کے فیصلے کروانا چاھتے ھیں جبکہ عدالتیں ٹھوس ثبوت اور شہادتوں کی بنیاد پر فیصلے کرتی ھیں۔ انہوں نے کہاکہ عمران خان نے قوم اور عدالت دونوں کا وقت ضائع کیا۔

ڈاکٹرآصف کرمانی نے کہاکہ کاش عمران خان اس سے آدھا وقت خیبر پختونخواہ کے عوام کی ترقی اور خوشحالی پر لگا دیتے۔ انہوں نے کہاکہ مسلم لیگ ن انشا اللہ 2018 میں خیبر پختونخواہ میں بھی حکومت بنائے گی۔