کراچی(مانیٹرنگ ڈیسک)سانحہ بلدیہ ٹاؤن کے مرکزی ملزم رحمان بھولاکوتھائی لینڈسے کراچی منتقل کردیاگیاہے ۔مرکزی ملزم رحمان عرف بھولانے دوران تفتیش اعتراف کیاہے کہ اس نے متحدہ کے رہنمااورمتحدہ کے بانی کے کارخاص حمادصدیقی کے حکم پرفیکٹری کوآگ لگائی تھی ۔
ایک نجی ٹی وی کے مطابق ایف آئی اے ذرائع نے بتایاکہ حمادصدیقی متحدہ کے بانی کاایک خاص آدمی تھااوررحمان عرف بھولانے اس کے حکم پرفیکٹری میں آگ لگائی تھی جبکہ اس واقعہ میں متحدہ کے دیگرافراد بھی شامل تھے ۔
مرکزی ملزم نے یہ بھی انکشاف کیاکہ فیکٹری کوآگ لگانے سے قبل انہوں نے فیکٹری مالکان سے بھتہ بھی مانگاتھا۔ذرائع کے مطابق رحمان عرف بھولاکوایف آئی اے کل عدالت میں پیش کرے گی اورریمانڈکی استدعاکی جائے گی۔
