اسلام آباد(مانیٹرنگ ڈیسک) عمران خان کی سابق اہلیہ ریحام خان نے ایک نجی ٹی وی کے پروگرام میں گفتگو کرتے ہوئے کہا ہے کہ میرا آئندہ شادی کرنے کا کوئی ارادہ نہیں۔ میں اپنی آئندہ زندگی ملک کیلئے وقف کرتے ہوئے ملک و قوم کی خدمت کروں گی۔
عورت کا نام ہی قربانی ہے اور میں نے اپنی زندگی میں بے شمار قربانیاں دی ہیں اور اب وقت آ گیا ہے کہ میں اپنے ملک کیلئے بھی قربانیاں دوں۔ ریحام خان نے کہا کہ پاکستان میری پہچان ہے کیونکہ اپنی دھرتی اپنی زمین ماں ہوتی ہے اور مجھے پاکستان سے ہی دنیا بھر میں پہچان ملی ہے۔
