اسلا م آباد(مانیٹرنگ ڈیسک)موٹروے پولیس نے دوران سفرسوجانے والے ڈرائیوروں کووارننگ دی ہے کہ ایسے افراد زیادہ لمبے فاصلے کےلئے  ڈرائیونگ سے اجتناب کریں ۔

تفصیلات کے مطابق موٹروے پولیس بیٹ نمبر17کے انچارج ڈی ایس پی ملک صفدراعوان نے کہاکہ کچھ ایسے ڈرائیورزہیں جوکہ دوران سفرسوجاتے ہیں اورانکی غفلت کے باعث کئی قیمتی جانیں ضائع جاتی ہیں ۔انہوں نے کہاکہ موسم سرماکے دوران دھند میں اضافہ ہوگیاہے اس لئے ایسے ڈرائیوزکوچاہیے کہ وہ لمبے فاصلے کےلئے  ڈرائیونگ نہ کریں اورمسافربھی سفرسے اجتناب کریں ۔ملک صفدراعوان نے کہاکہ ٹریفک قوانین کی خلاف ورزی کسی صورت برداشت نہیں کی جائے گی ۔