اسلام آباد (این این آئی) حکومت نے ملک بھر میں عید میلاد النبی ؐکے موقع پر ملک بھر میں لوڈشیڈنگ نہ کرنے کا اعلان کر دیا ہے۔وزارت پانی و بجلی کی جانب سے جاری بیان میں کہا گیا کہ ملک بھر میں (آج)پیر کو کہیں لوڈشیڈنگ نہیں کی جائے گی۔
وزارت کے مطابق لوڈشیڈنگ نہ کرنے کا مقصد ہے کہ عوام عید میلاد النبیؐعقیدت و احترام کے ساتھ منا سکیں۔ ذرائع کے مطابق وزارت پانی و بجلی نے تمام ترسیلی کمپنیوں کو بجلی کی بلاتعطل فراہمی یقینی بنانے کی ہدایات جاری کر دی ہیں۔
