پشاور (آن لائن) خیبر پختونخواہ حکومت نے صوبے میں تلور کے شکار پر پابندی عائد کر دی ۔ صوبائی وزیر اعلیٰ نے پابندی کے احکامات جاری کر دیئے۔ تفصیلات کے مطابق اتوار کے روز کے پی کے حکومت نے صوبے میں تلور کے شکار پر پابندی عائد کر دی۔ صوبائی حکومت نے تلور کے شکار پر پابندی چیئر مین تحریک انصاف عمران خان کے کہنے پر لگائی۔ وزیر اعلیٰ کے پی کے پرویز خٹک نے محکمہ وائلڈ لائف کو تلور کا شکار رکوانے کے لئے احکامات جاری کر دیئے۔ صوبائی وزیر اعلیٰ کا کہنا ہے کہ صوبے میں کسی کو بھی تلور کے شکار کی اجازت نہیں ہے۔