کراچی( مانیٹرنگ ڈیسک )سندھ کے بڑے سائیں قائم علی شاہ کی جگہ لینے والے چھوٹے شاہ جی مراد علی شاہ ویسے تو وزارت اعلیٰ سنبھالنے کے بعد سے ہی خاصے متحرک ہیں تاہم آج تو انہوں نے کمال ہی کردیا۔ وائٹ شرٹ، پرپل ٹائی اور بلیو سوٹ زیب تن کئے مراد علی شاہ نے وہ کر دکھایا جو آٹھ سال میں نہ ہوا،وزیر اعلیٰ سندھ صوبائی اسمبلی اجلاس میں شرکت کیلئے وقت سے چالیس منٹ پہلے ہی پہنچ گئے، جب وہ ایوان میں داخل ہوئے ابھی گھڑی میں دس بجنے میں چالیس منٹ باقی تھے یوں انہوں نے آٹھ سالہ تاریخ کا نیا ریکارڈ بھی قائم کردیا۔وزیراعلی کی آمد کے ساتھ ہی پچپن اراکین بھی اسمبلی پہنچ گئے اور سندھ کی آٹھ سالہ پارلیمانی تاریخ میں پہلی بار کورم وقت سے پہلے مکمل ہوگیا‎

موضوعات:مراد علی