لاہور (آن لائن) سینیٹ میں قائد حزب اختلاف اور پیپلز پارٹی کے سینیٹر اعتزاز احسن نے کہا ہے کہ پانامہ لیکس کا معاملہ ٹھنڈا نہیں ہو گا اور وزیراعظم کا چھٹکارا صرف اپوزیشن کے بنائے گئے ٹی او ارز میں ہے۔ پاناما لیکس کی تحقیقات پر ملک کی تمام اپوزیشن جماعتیں ایک ہی مؤقف پر متفق ہیں عمران خان کی احتساب ریلی میں پیپلزپارٹی بھرپور طریقے سے شرکت کرے گی۔لاہور ہائی کورٹ کے باہر میڈیا سے بات چیت کرتے ہوئے پیپلزپارٹی کے رہنما سینیٹر اعتزاز احسن کا کہنا تھا کہ پاناما لیکس کا معاملہ ابھی ٹھنڈا نہیں ہوا پاکستان سمیت دیگر ممالک کے سربراہان بھی اس کیس میں پھنس چکے ہیں۔ حکومت کے لئے راہ فرار اختیار کرنا مشکل ہے، پاناما لیکس کی تحقیقات پر ملک کی تمام اپوزیشن جماعتیں ایک ہی مؤقف پر متفق ہیں عمران خان کی احتساب ریلی میں پیپلزپارٹی بھرپور طریقے سے شرکت کرے گی۔اعتزازاحسن کا کہنا تھا کہ مسلم لیگ (ن) نے اپنی جماعت میں شامل گلو بٹوں کا محاسبہ نہیں کیا جبکہ وزیراعظم کے صاحبزادے حسن نواز نے بھی 4 کروڑ پاؤنڈز سے زائد کا سودا کیا اب پاناما لیکس اور سانحہ ماڈل ٹاؤن شریف برادران کا پیچھا نہیں چھوڑیں گے جبکہ پانامہ لیکس کا معاملہ وزیر اعظم نواز شریف کا پیچھا نہیں چھوڑے گا۔ سینیٹر اعتراز احسن نے الزام لگایا کہ وزیر اعظم کے بیٹے حسن نواز نے چار کروڑ پاؤنڈ سے زائد کا سودا کیا۔ انہوں نے مزید کہا کہ حکومت پیپرا رولز سے بچنے کیلئے ترکی سے معاہدے کرتی ہے تاکہ بولی نہ لگانی پڑے۔ ان کے بقول ترکی کی کئی کمپنیاں بیشتر ممالک میں بلیک لسٹ ہیں۔ اعتراز احسن نے کہا کہ حکمران جماعت مسلم لیگ ن نے اپنی جماعت میں گلو بٹوں کا کچھ نہیں کیا۔ اعتراز احسن نے اس بات کا امکان ظاہر کیا کہ مسلم لیگ ن کے پاس جلد انتخابات کرانے کا صوابدید ہے۔ انہوں نے کہا کہ مردم شماری بہت ضروری ہے اور یہ آئینی تقاضہ ہے۔