مظفرآباد،اسلام آباد(آن لائن)آزادکشمیر میں پی پی کارکنان پر تشدد ،مرکزی قیادت نے نوٹس لے لیا،بلاول بھٹو زرداری نے معاملہ قومی اسمبلی میں اٹھانے کیلئے خورشید شاہ کو ہدایات دے دیں ،پی ایس ایف پنجاب کے صدر راجہ شیراز کیانی نے مرکزی قیادت کے نوٹس میں لایا تھا کہ آزادکشمیر کے علاقہ اعوان پٹی میں مسلم لیگ (ن) کے کارکنان نے پی پی کے سابق ممبر اسمبلی منیر اعوان مرحوم کے گھر پر دھاوا بولا اوران کے بیٹے پر تشدد کیا ،جس کے بعد واقعہ کا بلاول بھٹو زرداری نے نوٹس لیا اورسید خورشید شاہ کو ہدایات جاری کیں ،دوسری جانب سابق وزیراعظم راجہ پرویز اشرف،سید یوسف رضا گیلانی ،سینٹ میں اپوزیشن لیڈر اعتزاز احسن ،قمر الزمان کائرہ ،سابق گورنر پنجاب لطیف کھوسہ نے بھی واقعہ کی شدید الفاظ میں مذمت کی ہے ،پی پی رہنماؤں نے کہا کہ ن لیگ آزادکشمیر میں غنڈہ گردی کی سیاست پروان چڑھا رہی ہے ،پر امن کے خراب کرنے کی تمام کوششیں ناکام ہوں گی ،انہوں نے کہا کہ اگر معاملہ کا فوری نوٹس لیتے ہوئے نامزد ملزمان کو گرفتار نہ کیا گیا تو پورے ملک میں احتجاج کی کال دیں گے۔