لاہور ( این این آئی) سابق وزیر اعلی بلوچستان کے بھائی سردار امین اللہ رئیسانی نے تحریک انصاف میں شمولیت کا اعلان کر دیاجبکہ چوہدری محمدسرور کی قیادت میں تحر یک انصاف کے وفد کی گور نر بلوچستان محمد خان اچکزائی سے بھی ملاقات سانحہ کوئٹہ میں شہید ہونیوالوں کیلئے فاتحہ خوانی کی گئی ۔تفصیلات کے مطابق سوموار کے روز تحر یک انصاف کے سابق گور نر چوہدری محمدسرور ‘بلوچستان کے آرگنائزر تحر یک انصاف سردار یارمحمد رند اور سر دار کامل عمر نے سول ہسپتال کوئٹہ میں سانحہ کوئٹہ کے زخمیوں کی عیادت کی جسکے بعد چوہدری سرور کی قیادت میں وفد نے گور نر بلو چستان محمد خان اچکزائی سے بھی گور نر ہا ؤس میں ملاقات کی جہاں سانحہ کوئٹہ پر اظہار تعزیت اور فاتحہ خوانی کی گئی جبکہ چوہدری سرور سے ملاقات میں سابق وزیر اعلی بلو چستان سردار اسلم رئیسانی کے بھائی سابق سفیر سردارامین اللہ رئیسانی نے عمران خان کی قیادت پر مکمل اعتماد کا اظہار کرتے ہوئے درجنوں ساتھیوں سمیت تحر یک انصاف میں باقاعدہ شمولیت کا اعلا ن کر دیا جبکہ کوئٹہ سے واپسی پر لاہورمیں میڈیا سے گفتگو کرتے ہوئے چوہدری محمدسرور نے کہا کہ دہشت گردی کیخلاف جنگ پوری قوم کی جنگ بن چکی ہے اور حکمرانوں کو بھی چاہیے کہ وہ دہشت گردی کے مکمل خاتمے کیلئے نیشنل ایکشن پلان کے ایک ایک نقطے پر عمل کر یں ۔ انہوں نے کہا کہ بلوچستان کے عوام کیساتھ کسی بھی قسم کی ناانصافی ملک کو کمزور کر نے کی سازش ہوگی اس لیے حکومت کی ذمہ داری بنتی ہے کہ وہ بلوچستان کے عوام کو صحت ‘تعلیم سمیت تمام بنیادی سہولتوں کی فراہمی کو یقینی بنائے اور سانحہ کوئٹہ کے بعد دہشت گردوں کو روکنے کیلئے مزید سخت اقدامات وقت کی ضرورت بن چکے ہیں ۔ انہوں نے کہا کہ ہم نے کوئٹہ میں زخمیوں کی عیادت کے ساتھ ساتھ شہید ہونیوالوں کے اہل خانہ سے بھی اظہار تعزیت کیا ہے اور انکو اپنے مکمل تعاون کا بھی یقین دلایا ہے ۔ ایک سوال کے جواب میں چوہدری محمدسرور نے کہا کہ تحر یک انصاف بلو چستان کی بھی مقبول ترین سیاسی جماعت بن چکی ہے اور سردار ا مین اللہ رئیسانی کی تحر یک انصاف میں شمولیت عمران خان کی پا لیسوں پر مکمل اعتماد کا اظہار ہے اور تحر یک انصاف کے سواکوئی سیاسی جماعت ملک میں کر پشن کا خاتمہ اور حقیقی احتساب کا نظام نہیں لاسکتی۔انہوں نے کہا کہ حکمرانوں کو بھی چاہیے وہ کر پشن چھوڑ کر خود کو احتساب کیلئے پیش کردیں ۔