کراچی (این این آئی) کراچی میں تحریک انصاف کے تحت ہونے والے ورکرز کنونشن میں سندھ کے صوبائی صدر ڈاکٹر عارف علوی کی تقریر کے دوران پارٹی کارکنوں نے ڈاکٹر علوی کے خلاف شدید نعرے بازی کی۔ عارف علوی کی تقریر کے دوران کارکنان مسلسل نعرے بازی کرتے رہے۔ ورکرز کنونشن میں شدید بدمظگی دیکھنے میں آئی۔ عارف علوی کے حق اور مخالفت میں نعرے بازی کی گئی۔ عارف علوی کی تقریر میں بار بار خلل ڈالنے کی کوشش کی گئی جس سے پارٹی کے ارکان اسمبلی ناراض کارکنوں کو منانے میں کوشش کی۔ ڈاکٹر عارف علوی کے حامی کارکنوں کا کہنا تھا کہ نعرے بازی سابق صوبائی صدر نادر اکمل لغاری کو ایک بار پھر سندھ کا صدر بنانے کے حامی گروپ نے کی ہے۔مقامی ہوٹل میں تحریک انصاف کے ورکراجلاس میں کی تقریب کے دوران بدنظمی کامظاہرہ دیکھنے میں آیا۔کارکنوں نے گوعلوی گوکے نعرے لگائے۔اس موقع پرعارف علوی نے کہاکہ نعرے لگانے والوں سے کہتاہوں کہ ان کی بات سنی جائے گی،تاہم کارکنوں نے عارف علوی کوتقریرکرنے سے روک دیا۔ بدنظمی پرجہانگیرترین کارکنوں کوبٹھاتے رہے۔جہانگیرترین نے خطاب میں کہاکہ خداکے واسطے بیٹھ جائیں، آپ تقریرکرلیں میں نیچے آ جاتاہوں۔انہوں نے کہاکہ عمران خان کے نظرئیے کے لئے آئے ہیں،ہم اسٹیٹس کوکے خلاف اورنظریاتی ہیں،کارکنوں کوکہتاہوں کہ تنظیمی مسائل ہوتے ہیں۔