اسلام آباد(آن لائن) افغانستان میں تباہ ہونے والے پاکستانی ہیلی کاپٹرکے مغویوں کے بارے میں کالعدم تحریک طالبان پاکستان کے حکیم اللہ محسود گروپ کا دعویٰ بھی سامنے آگیا ہے ،تمام مغوی ہمارے قبضے میں ہیں اور جلد ہی ان کی ویڈیو جاری کر دی جائے گی حکومت پاکستان نے سرکاری اور غیر سرکاری سطح پر مغویوں کی بحفاظت بازیابی کیلئے کوششیں تیز کر دی ہیں ،افغان طالبان کے ساتھ قریبی اور دوستانہ روابط رکھنے والے علماء کرام کو مغویان کی بازیابی کا ٹاسک سونپ دیا گیا ہے ۔میڈیا رپورٹس کے مطابق گذشتہ جمعرات کو افغانستان کے صوبے لوگر میں گرنے والے پاکستانی ہیلی کاپٹر کے عملے کے بارے میں کالعدم تحریک طالبان کے حکیم اللہ مسعود گروپ کی جانب سے یہ دعویٰ سامنے آیا ہے کہ ہیلی کاپٹر کے تمام مغوی ہمارے پاس موجود ہیں اور جلد ہی ان کی ویڈیو جاری کر دی جائے گی رپورٹس کے مطابق اس سے قبل ہیلی کاپٹر کے عملے کے بار ے میں متضاد اطلاعات سامنے آئی تھی چند روز قبل یہ دعویٰ بھی کیا گیا تھا کہ تمام مغوی افغان طالبان کے قبضے میں ہیں اور ا ن کی رہائی کے بدلے پاکستان سے اپنے ساتھیوں کی رہائی کا مطالبہ کیا گیا ہے تاہم حکومت پاکستان یا دفتر خارجہ نے اس کی تصدیق نہیں کی ہے رپورٹس کے مطابق چیف آف آرمی سٹاف نے ہیلی کاپٹر کے عملے کی رہائی کیلئے افغان حکومت اور افغانستان میں موجود امریکی فورسز کے سربراہ جنرل نکولسن سے بھی عملے کی باحفاظت واپسی کے سلسلے میں مدد دینے کی درخواست کی تھی رپورٹس کے مطابق ہیلی کاپٹر کے مغوی عملے کا پتہ چلانے کے لئے غیر سرکاری سطح پر بھی کوششیں شروع کر دی گئی ہیں اور افغان طالبان کے ساتھ ہمدردی اور روابط رکھنے والے پاکستان کے بعض بااثر علماء کرام کو بھی مغویوں کی بازیابی کے لئے اپنا اثر ر سوخ استعمال کرنے کی درخواست کی گئی ہے رپورٹس کے مطابق کالعدم تحریک طالبان پاکستان کے حکیم اللہ مسعود گروپ کی جانب سے مغویوں کے قبضے میں ہونے اور جلد ہی ان کی ویڈیو جاری کرنے کے بارے میں بیانات سے صورتحال کو مذید پیچیدہ بنا دیا ہے ۔